Азербайжаны нийслэл Баку хотноо үргэлжилж буй чөлөөт бөхийн “Алтан гранпри” тэмцээнээс манай эмэгтэй тамирчид гурван медаль хүртлээ. Тэмцээний эмэгтэйчүүдийн барилдаанд Монголын есөн бөх хүч үзсэнээс 51 кг-д ОУХМ Э.Сумъяа, 59 кг-д Т.Мөнхтуяа нар мөнгөн медалийн эзэн болсон байна. ОУХМ Э.Сумъяа эхний тойрогтоо хийлж, удаах тойрогт Унгарын Денес Мерседесийг цэвэр ялсан ч алтан медалийн төлөө барилдаанд Японы Марека Шидочид 5:8 онооны харьцаагаар дийлджээ. Т.Мөнхтуяагийн хувьд Украин, Унгарын бөхийг ялж, алтан медалийн төлөөх барилдаанд Азербайжаны Юлия Раткевичид хожигдсон байна. Тэмцээний 72 кг-д өрсөлдөж хүрэл медаль хүртсэн ОУХМ Б.Одончимэг эхний тойрогт гавьяат тамирчин О.Бурмаатай учраа таарчээ. Улмаар 5:4 онооны харьцаагаар дийлж дараагийн тойрогт Японы Хирое Сузукид дийлдэж хүрэл медалийн төлөө Казахстаны Эльмира Сыздыковатай барилдаж өвдөг шороодуулжээ.