Ирэх өвлийн цонхоор Кейсуке Хонда АС Милантай нэгдэх болсныг Галлиани албан ёсоор зарлалаа. Японы хагас хамгаалагч Кейсуке Хонда Миланы хараанд өртөөд удаж байгаа билээ. Түүнийг өнгөрсөн зун авахаар оролдсон боловч бүтээгүй юм. ЦСКА-тай байгуулсан гэрээний хугацаа нь энэ онд дуусч байгаа учраас 27 настай тоглогч Миланы саналыг хүлээж авсан байна. Хонда ЦСКА-гийн төлөө 126 тоглолт хийж 28 гоол оруулжээ.