Дмитрий Миндиашвилийн нэрэмжит насанд хүрэгчдийн чөлөөт бөхийн аварга шалгаруулах тэмцээн ОХУ-ын Красноярск хотод нээлтээ хийлээ. Тэмцээнийг Олон улсын бөхийн төрлүүдийн холбооноос баталсан шинэ жингийн ангиллаар зохион байгуулж байгаагаараа онцлог юм. Тэмцээнд ОХУ, Казахстан, Беларусь, Узбекистан, Монгол, Япон, Норвеги, Финландын бөх өрсөлдөж байна. Тэмцээнд манай бөхчүүдээс 58 кг-ын жинд өрсөлдсөн А.Батцэцэг алтан медаль хүртжээ. Мөн 69 кг-д хүч сорьсон Б.Золзаяа хүрэл медаль зүүсэн байна.