Автомашин, мотоциклийн олимп гэгддэг Дакар Ралли уралдаанд манай улсын гурван тамирчин оролцсон. Тэднээс ОУХМ Х.Батболд, ОУХМ Н.Лхамаа нар тэмцээнээ өндөрлүүлээд байгаа. Харин Д.Болдбаатар одоогоор тэмцээнээ амжилттай үргэлжлүүлж байна. Уралдааны есдүгээр үед ОУХМ Д.Болдбаатар 54 дүгээр байрт жагсч, амжилттай бариандаа орж иржээ. “Дакар Ралли-2014” Аргентин, Чили, Боливийн нутгийг хөндлөн туулан 8000 гаруй километр бартаат замаар туулж байгаа юм.