Монголын хөлбөмбөгийн холбооны футзалын өсвөрийн улсын аварга шалгаруулах тэмцээний хөвгүүдийн 11, 13, охидын 13 хүртэлх насны ангиллын тоглолтын шилдгүүд тодорлоо. Тэмцээн энэ сарын 9-17-нд “ Футзалын ордон ”- д болсон юм. Хөвгүүдийн 11 хүртэлх насны ангилалд 12 баг өрсөлдсөнөөс Баянзүрх дүүргийн шигшээ баг аваргын алтан медалийн эзэд болсон. Харин “Хараацай”, “ Хүчит Чулуут-ДМЮ” клуб удаалсан байна . Тэмцээний 13 хүртэлх насны ангилалд 19 баг хүч үзсэнээс “ Эрчим ” клуб тэргүүлж , “Хүчит Чулуут-ДМЮ”, “ Дэрэн ” удаалжээ. Энэхүү тэмцээний охидын 13 хүртэлх насны ангилалд зургаан баг тойргоор тоглосноос Өвөрхангай аймгийн Хужирт сумаас ирсэн “ Титэм Хужирт” клубын баг тамирчид алтан медалийн эзэд болж, ХУД -ийн шигшээ баг мөнгө, Баянзүрх дүүргийн шигшээ баг хүрэл медаль тус тус хүртэв . Тэмцээний хаалтын ажиллагааны үеэр Монголын хөлбөмбөгийн холбооноос шинээр байгуулсан “Монголын Тэмүүлэл”, “ Хүчит Чулуут-ДМЮ” клубын хамт олон бөмбөг хэрэгслийг өсвөрийн хөлбөмбөгчдөд бэлэглэсэн юм.