“Челси” багийн Монгол дахь албан ёсны фэн клубын нээлт өчигдөр орой “VLVT” клубт боллоо. Энэхүү нээлтийн үйл ажиллагаанд “Челси” багийн мэргэн бууч, шилдэг тоглогч асан Керри Диксон ирж оролцсон юм. Монгол дахь “Челси” багийн хөгжөөн дэмжигчид хэдэн жилийн өмнөөс нэгдэж дэмжигчдийн клубээ нээсэн ба энэ удаа “Челси” багт албан ёсоор хүсэлт тавьж эрхээ авчээ. Нээлтийн үйл ажиллагааг алдарт хөлбөмбөгч асан К.Диксон нээж фанатууддаа гарын бэлгээ өгсөн юм. "Челси" фасебоок группээрээ дамжуулан цахим хуудсаар нийтлэлийн уралдаан зарласан аж. Нээлтийн арга хэмжээний үеэр  шилдэг нийтлэлийн эзэнг тодруулж гарын бэлгээ өгөв. Мөн К.Диксон болон фэн клубын удирдлагууд идэвхитэн гишүүдээ урамшуулсан юм.  Нээлтийн үйл ажиллагаанд “Шар айраг”, “Жонон” хамтлаг ая дуугаа өргөсөн юм.