Японы мэргэжлийн сумо бөхийн 71 дэх их аварга М.Ананд өчигдөр буюу тавдугаар сарын 26-ны орой эх орондоо ирлээ. Түүнийг “Чингис Хаан” олон улсын нисэх онгоцны буудалд ар гэрийнхэн нь болон сэтгүүлчдийн баг тоссон юм. Японы мэргэжлийн сумо бөхийн 71 дэх ёкозуна М.Анандын хувьд тэрбээр их аварга болсноосоо хойш анх удаа эх орондоо ирж байгаа бөгөөд арлын Япон дахь Монголын дөрөв дэх их аварга маань “Миний мөрөөдөл биелсэн ч эндээс дараагийн зорилго маань эхлэж байна” гэж хэлсэн юм. Юутай ч тэрбээр эх орондоо тав хоноод буцахаар төлөвлөжээ.