Дэлхийн авто уралдааны долоон удаагийн аварга “Формула-1” уралдааны шилдэг нисгэгч Михаэль Шумахер комын байдалд удаан хугацаанд байсны эцэст ухаан оржээ. Тэрбээр өнгөрсөн оны арванхоёр дугаар сард Францад уулын цанаар гулгаж явахдаа хад мөргөн унасны улмаас тархиндаа хүнд гэмтэл авсан юм.

 Михаэль Шумахерыг өчигдөр Греноблийн эмнэлэгээс гаргасан талаар “Итар-Тасс” агентлаг мэдээллээ. Хэдийгээр ухаан орсон ч алдарт нисгэгчийн биеийн байдал хүнд байгаа бөгөөд Швейцарийн Лазона сувилалд хэвтүүлэн эмчлүүхээр болжээ.