“Хэрвээ бид Коста-Рикаг хожвол Английн хатан хааныг үнсэх болно” хэмээн твиттер хуудастаа жиргэж байсан Балотелли Коста-Рикагийн шигшээ багт 0:1 хожигдлоо. Дэлхийн аваргын түүхэнд байгаагүй “Үхлийн хэсэг”-т учраа таарсан хоёр багийн тоглолт сонирхолтой бас сэтгэл түгшээсэн болж өндөрлөлөө. Тоглолтын цорын ганц гоолыг Коста-Рикагийн шигшээ багийн ахлагч Брайн Руйс оруулжээ. Улмаар Коста-Рикагийн шигшээ баг плей-оффт шалгарч, италичууд хатан хааныг үнсэх эрхээ авч чадсангүй. Ийнхүү “Үхлийн хэсэг”-т Коста-Рикагийн шигшээ баг шууги ан тарилаа. Тэд энэ сарын 25-нд Будант Альбионы шигшээ багтай тоглох ажээ.