Өмнөд Африкийн хөнгөн атлетикийн тамирчин “Илдэн дээр гүйгч” Оскар Писториусын шүүх хурал өнгөрсөн баасан гаригт боллоо.

Писториусын ярьснаар шүүгчийн шийдвэр ирэх сарын 11-нд гарахаар болжээ. Паралимпын аварга тэрбээр гурван сар үерхсэн найз бүсгүйгээ буудан хөнөөсөн гэдэг нь тогтоогдвол насаараа хоригдох ял сонсох гэнэ.

Писториус “Найз бүсгүйгээ урилгагүй зочин хэмээн андууран буудсан” гэжээ. Харин яллагчид Писториусыг найз бүсгүйгээ санаатай хөнөөсөн, шүүхийн өмнө худал мэдүүлэг өгсөн хэргээр яллах санал гаргасан байна.