“Ливерпүл” болон Английн шигшээ багийн хагас хамгаалагч Стивен Жерард Хойд Америкийн хөлбөмбөгийн лигт тоглохоор шийдвэрлэснээ мэдэгджээ. Энэ тухай Английн хөлбөмбөгийн багийн “Твиттер” хуудаснаа мэдээлсэн байна. “Улаанууд”-ын баг түүнийг энэ улиралд гэрээ нь дуусгавар болсны дараа явахаар болсон тухай энэ сарын 2-ны өдөр зарласан юм. Түүнчлэн Жерардыг “Нью-Йорк Ред Буллс” баг бүрэлдэхүүндээ авахаар төлөвлөж буйг урьд нь мэдээлж байв. Жерард “Ливерпүл” багт найман настайдаа орж, түүнээс хойш “улаанууд”-ын төлөө 695 тоглолтод оролцож, өрсөлдөгчдийнхөө хаалганд 180 бөмбөг оруулсан байна. Тэрбээр багийн хамт 2005 онд Аваргуудын лиг, Английн цом, супер цомын тэмцээнд тэргүүлсэн амжилт гаргасан аж.

Д.Болд