Өнөөдөр улс төрийн хилс хэрэгт хэлмэгдэгсдийн дурсгалыг хүндэтгэх өдөр тохиож байна. Энэ өдрийг тохиолдуулан өнөөдөр 09:00 цагт Сонгино хайрхан ууланд цэцэг өргөж, хүндэтгэл үзүүлэх бол 12:00 цагт Монгол Улсын Ерөнхийлөгч Ц.Элбэгдорж, УИХ-ын дарга М.Энхболд, УИХ-ын дэд дарга Я.Санжмятав, Ц.Нямдорж, УИХ-ын гишүүд, Засгийн газрын гишүүд болон хэлмэгдэгсдийн ар гэрийнхэн “Хэлмэгдэгсдийн хөшөө”-нд цэцэг өргөж, хүндэтгэл үзүүлэх юм байна.