Зургаан жилийн хугацаанд 9.7 сая мод тарьж, ургуулжээ
- 2016-10-10
- Нийгэм
- 0

Бүх нийтээр мод тарих үндэсний өдөр энэ сарын 8нд тохиож байна. Энэ өдөр БОАЖын сайд Д.Оюунхорол Баянзүрх дүүргийн II, XXI, XXVII хорооны нутаг дэвсгэрт, салбарын яамны албан хаагчид нь Дамбадаржаа дахь Модлог ургамлын цэцэрлэгт хүрээлэнд мод тарилаа. Монгол Улсын Ерөнхийлөгч 2010 онд жил бүрийн хавар, намар Мод тарих үндэсний өдөр зарлах тухай 63 дугаар зарлиг гаргаснаас хойш энэ хүрээнд 9.7 сая мод тарьж, ургуулжээ. Мөн БОАЖын сайд Д.Оюунхорол 2015 оны дөрөвдүгээр сард “Нэг сая мод ургуулах хөдөлгөөн” зохион байгуулах тухай тушаал гаргаж, уг тушаалын дагуу бүх нийтээр мод тарих өдрийг зохион байгуулсан. Уг хөдөлгөөнд 227 мянган иргэд, 12.8 мянган аж ахуйн нэгж байгууллага оролцож нийт 30 гаруй төрлийн 1.7 сая мод тарьж ургуулжээ. Мөн улсын хэмжээнд 44.4 мянган өрх хашаандаа 296.9 мянган ширхэг мод тарьж ургуулсан байна.
С.Аз

Сэтгэгдэл (0)