Хөгжлийн бэрхшээлтэй иргэнийг цэргийн албанд татахгүй

 

        Энэ оны хоёрдугаар ээлжийн цэрэг татлагыг шинэ хуулийн дагуу өнөөдрөөс эхлүүллээ. Нийслэлийн хэмжээнд цэрэг татлагын товчоодод 2579 албан тушаалтан ажиллаж байгаа билээ. Монгол Улсын Батлан хамгаалах багц хуулийг шинэчлэн баталсантай холбоотой цэрэг татлагын журамд зарим өөрчлөлт оруулсныг нийслэлийн Цэргийн штабын дарга Ж.Болдбаатар тайлбарлав. Шинэ хуулиар хөгжлийн бэрхшээлтэй иргэнийг цэргийн албанд татахгүй бөгөөд оюутнууд “Оюутан цэрэг” хөтөлбөрт хамралгүй өөрийн хүсэлтээр хугацаат цэргийн албанд явж болох аж. Өнгөрсөн оны хоёрдугаар ээлжийн цэрэг татлагын үеэр 33.7 хувь буюу 3818 иргэнийг эрүүл мэндийн шалтгаанаар цэргийн албанаас чөлөөлжээ. Харин энэ оны нэгдүгээр ээлжийн цэрэг татлагаар 14200 залуугаас 4260 нь эрүүл мэндээр тэнцээгүй байна. Цэргийн албанд эрүүл мэндийн шалтгаанаар тэнцээгүй залуусын ихэнх нь мэс засалд орсон, дотор, нүд, чих, хамар хоолойн удмын болоод архагшсан өвчтэй байдаг аж. Түүнчлэн сум дүүргийн ИТХ-ын ээлжит сонгуулийн ирц хангалтгүй байснаас зарим дүүрэг, хороонд дахин санал хураалт явуулахаар болсон. Тиймээс сонгуулийн санал авах байртай давхцаж байгаа цэрэг татлагын байруудыг өөрчлөх юм байна.

 

Ц.Заяа

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)