Улаанбуудай, төмсний хэрэгцээг дотоодоосоо 100 хувь хангана

 

        Ургац хураалтын дүн мэдээ гарлаа. Энэ жил манай улс улаанбуудай, төмсний хэрэгцээгээ дотоодоосоо бүрэн хангахаар байгаа аж. Энэ талаар ХХААХҮЯ-ны Газар тарилангийн бодлогын хэрэгжилтийг зохицуулах газрын дарга Ц.Болорчулуун хэлэхдээ “2016 оны ургац хураалтын дүн ерөнхийдөө гарч байна. Улсын хэмжээнд нийтдээ 475.8 мянган га талбайд үр тариа, үүнээс 460.7 мянган тонн буудай, 153.7 мянган тонн төмс, 93.5 мянган тонн хүнсний ногоо хурааж авлаа. Ингэснээр хүнсний улаанбуудай, төмсний дотоодын нийт хэрэгцээг 100 хувь хангах ургацыг хурааж авсан гэсэн үг. Өмнө нь хүнсний ногооны хэрэгцээний 40-50 орчим хувийг хангаж ирсэн. Энэ жилийн хувьд 54 хувийг хангахуйц хэмжээний хүнсний ногоог хурааж авлаа. Ирэх хаврын тариалалтад аж ахуйн нэгжүүд үр тариагаа тодорхой хэмжээнд нөөцөлж авч үлддэг. Энэ жилийн хувьд аж ахуйн нэгж, иргэд 45.5 мянган тонн үр нөөцөлсөн, ОБЕГ 1300 гаруй тонн үрийн буудай, Тариалан эрхлэлтийг дэмжих сан 2000 гаруй тонн үрийн буудаг нөөцлөхөөр бэлтгэл ажлаа хангаад явж байна” гэлээ. Түүнчлэн энэ намрын ургац хураалт цаг агаарын хүнд нөхцөлд өрнөсөн төдийгүй өнгөрсөн сард газар тариалангийн бүс нутгаар хур тунадас, нойтон цастай байсан нь тодорхой хэмжээний хаягдал үүсгэх, ургац хураалтын хугацааг хойшлуулах нөхцөл болжээ. Гэхдээ энэ нь ургац алдахуйц хэмжээнд хүргээгүй байна.

 

М.Өлзий

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • Санаа (43.228.129.73)

    2016-11-08

    Тариалангийн салбарт alternative газар тариалан төсөл санаачлан хэрэгжүүлж арга технологио зүгшрүүлж metatechnology bolgoj сайжруулж байх ёстой. Монголын нөхцөлд таарах буудайн сорт өөр, технологи одоогийнхоос ялгаатай шүү. Болц оройтож, хураалт удааширч, хаягдал ихэсч, эрсдэл нүүрлэж, бүтээгдэхүүн чанаргүй байх нь үйлдвэрлэгчдэд халтай. Бүдүүлэг арга ажиллагаатай байгаа шүү.