АНУ-ын Ерөнхийлөгч асан Билл Клинтон, Төрийн нарийн бичгийн дарга асан Хиллари Клинтон нарын ууган охин Челси Клинтоныг Конгрессийн гишүүнд нэр дэвшихийг санал болгосон байна. “The New York Post” сонины мэдээлж буйгаар өдгөө 79 настай Конгрессийн төлөөлөгчдийн танхимын гишүүн Нита Лави, 36 настай Челсиг улс төрд хүч үзэж, салбарын гурав дахь Клинтон болохыг уриалсан аж. Лави нь Билл болон Хиллари нарын төрөлх хот Нью-Йоркийн Вестчестер, Чаппаки зэрэг дүүргийн төлөөлөгч юм. Сонины мэдээлэлд “Челси нь Клинтон гэх брэндийн шинэ үе, давалгаа байх болно. Тэр улс төрд орохыг хүсэхгүй байлаа ч гэр бүлийн уламжлалаараа энэ салбарт орох шаардлагатай байж болох юм. Ээжийнхээ Ерөнхийлөгчийн сонгуулийн кампанит ажлаас их зүйл суралцсан гэж найдаж байна” хэмээн тэмдэглэжээ.