“Дэлхийн мисс 2016” тэмцээнд Монгол Улсыг төлөөлөн оролцож буй А.Баярцэцэгт Диснейн Сан Франциско дахь агентлагаас “Мулан” уран сайхны кинонд шалгуулах урилга илгээжээ. Мисс бүсгүйн гол анхаарлаа хандуулж буй “Дэлхийн мисс”- ийн шалгаруулалт энэ сарын 18-нд дуусна. Тиймээс тэрбээр тэмцээнийхээ дараа Диснейн урилгад хариу өгөх аж. Үүнээс гадна “The Great pageant community” мэдээллийн хуудсанд манай миссийг онцолж, энэ удаагийн тэмцээнд амжилт үзүүлэх өндөр магадлалтай тухай бичсэн байна. Тиймээс Монгол Улсаа төлөөлөн дэлхийн гоо бүсгүйчүүдтэй авьяас чадвараараа өрсөлдөж буй түүнийг бүх нийтээрээ дэмжицгээе.

Б.Номуун