Японы алдарт Mikoto брэндийн үнэт эдлэлийн шинэ сурталчилгаанд Бюро 24/7-гийн үүсгэн байгуулагч Ө.Содгэрэл оролцжээ. Тэрбээр “Сувд эмэгтэй хүнийг чимж, нүдийг нь улам гялалзуулж өгдөг маш тансаг үнэт эдлэл. Би ажил хэргийн шугамаар байнга олон хүнтэй уулздаг учраас өөрт эвтэйхэн, хаана ч очсон буруудахгүй хувцас сонгож, түүн дээр сувдан үнэт эдлэл сонгож зүүдэг” хэмээн ярьсан байна. Сувд хүмүүсийн хамгийн анх олж илрүүлсэн эрдэнэ бөгөөд түүнийг амьд үнэт чулуу гэж нэрлэдэг. Тиймээс сувдыг эрүүл мэнд, эд хөрөнгө болоод урт нас, цэвэр ариун байдлын бэлгэ тэмдэг болгодог билээ.