Орон сууц болон сургалтын төлбөрийн татварын зөрүүг хэзээнээс олгох талаар Татварын ерөнхий газрын Төрийн тусгай удирдлагын газрын улсын байцаагч Н.ГАЛБАДРАХААС тодрууллаа.

-Орон сууц болон сургалтын төлбөрийн буцаан олголтыг хэчнээн иргэн авахаар байна вэ?

-Орон сууц, сургалтын төлбөрийн буцаан олголт авах 74222 татвар төлөгч байна. Дээрх иргэд 2016 онд тайлангаа ирүүлсэн. Хувь хүний орлогын албан татварын буцаан олголтод 45 тэрбум төгрөг зарцуулахаар болсон.

-Буцаан олголтыг хэзээнээс олгож эхлэх вэ?

-Буцаан олголт авахаар өнгөрсөн оны нэгдүгээр сарын 20- ноос өмнө Хүн амын орлогын албан татварын тайлангаа ирүүлсэн 11354 иргэний 8.8 тэрбум төгрөгийг баталгаажуулсан бөгөөд илүү төлөлтийг ирэх сард олгож эхэлнэ.

Харин хоёрдугаар сарын 15-ны дотор тайлангаа ирүүлсэн иргэдийн төлөлтийг тав, зургаадугаар сард багтааж буцаан олгохоор нийслэлийн Төрийн сангаас төлөвлөсөн байгаа.

С.Хорлоо