Мисс Ч.Содтуяагийн охин С.Содонгоо Азийн олон улсын хүүхдийн хувцас загварын долоо хоног болон Азийн телевиз, кино загварын топ модель шалгаруулах тэмцээнд эх орноо төлөөлөн оролцож Гран при шагнал хүртжээ. Мөн найман настай Н.Гэрэлтэх “Олны таашаал хүртсэн модель” болжээ. Есөн настай бяцхан мисс Ч.Содонгоогийн хувьд тэмцээний ерөнхий ивээн тэтгэгч Шинэ Зеландын “One One” хүүхдийн брэндийн нүүр царайгаар тодорсон бөгөөд Азийн загварын холбоотой хамтарч ажиллах урилга хүлээн авчээ. Тэмцээнд БНСУ, БНХАУ, Монгол зэрэг Азийн орны 300 гаруй хүүхэд оролцож, авьяас чадвараараа өрсөлдсөн байна.