Энэ долоо хоногт “Google” компанийн танилцуулсан хамгийн сонирхолтой төхөөрөмж бол Pixel Buds нэртэй ухаалаг чихэвч байлаа.

Энэ чихэвч нь зөвхөн хөгжим сонсох, утсаар ярих зориулалттай биш, бас асуултанд хариулж, мэдээлэл олж өгч туслах, 40 үндэстний хэл хооронд яриаг шууд орчуулдаг ид шидтэй юм байна.

Зөвхөн Android Nougat болон түүнээс хойшх систем бүхий утастай холбогдож ажилладаг Pixel Buds чихэвч нь $159-ийн үнэтэйгээр ирэх сард АНУ-д худалдаалагдаж эхэлнэ.

Танилцуулгын үеэр тайзан дээр Англи-Швед хэл хооронд яриаг шууд хөрвүүлж үзүүлсэн нь гайхалтай явдал байлаа.

Чихэвчийг удирдахдаа дээр нь хуруугаар дарах, гүйлгэх, эсвэл дуу хоолойгоор комманд хэлж болдог гэнэ.

Б.Анир