Үндэсний агаарын тээвэрлэгч МИАТ ТӨХК БНХАУ-ын Гуанжоу хотод жил бүр уламжлал болон зохион байгуулагддаг “Guangzhou International Travel Fair 2019” олон улсын үзэсгэлэнд оролцож ”Онцлох агаарын тээвэрлэгч” компаниар шалгарлаа. Тус үзэсгэлэн нь 25 жилийн турш аялал жуулчлал өндөр хөгжсөн Гуандун мужийн Гуанжоу хотод зохион байгуулагдаж байгаа бөгөөд энэ удаагийн үзэсгэлэнд 45 улсын 956 аялал жуулчлал болон агаарын тээврийн үйлчилгээ эрхэлдэг компаниуд оролцсон байна.  
Дашрамд дурдахад МИАТ ТӨХК 2019 оны зуны нислэгийн хугацаанд Гуанжоу хот руу долоо хоногийн 2 давтамжтайгаар нислэг үйлдэх юм байна.