Бүжгийн спортын аварга шалгаруулах “UB Golden cup-2015” тэмцээнийг ирэх сарын 25-нд зохион байгуулахаар болжээ. “Буянт-Ухаа” спорт цогцолборт болох тэмцээнд оролцох бүжигчид хамтлаг, ганцаарчилсан болон хосын төрөлд өрсөлдөнө. Тэмцээнд оролцох бүжигчдийг ирэх сарын 1-нийг хүртэл бүртгэх аж. Хүүхэд залуучуудын авьяасыг дэмжих, тэднийг олон нийтэд танилцуулах зорилготой уг тэмцээнийг Монголын бүжгийн спортын холбоо, “UB Dance school” клуб хамтран зохион байгуулах юм байна. 

Б.Сийлэн