Японы мэргэжлийн сумо бөхийн кюүшюү башёгийн тав дахь өдрийн барилдаан өнөөдөр боллоо. Дээд зиндааны том цолтой бөхчүүдээс ёкозүна Хакухо Даваажаргал маэгаширагийн хоёр дахь бөх Аойяамаг, ёкозүна Харумафүжи м-2 Окиноүмиг, озэки Кисэносато м-1 Ичиножёо Ичинноровыг, озэки Котошёогикү м-3 Тоёоношимаг, озэки Гоэйдо м-1 Осунаарашиг тус тус давсан.

Харин ёкозүна Какүрюү Ананд сэкиваки Миёогирюүд, озэки Тэрүнофүжи комүсүби Точиношинд, сэкиваки Точиозан комүсүби Ёшиказэд уналаа.

Мөн дээд зиндаанд барилдаж буй Монголын бусад бөхчүүдээс Тамаваши Мөнх-Оргил Гагамаруг, Сэйро Өнөболд нутгийн бөх Таканоива Баасандоржийг давж, Асасэкирюү Дашням Такаяасүд өвдөг шороодов.

Эхний таван өдрийн дараах байдлаар ёкозүна Хакухо Даваажаргал, озэки Котошёогикү, маэгашира Икиой, Чиёоотори нар нэг ч унаагүй тэргүүлж байна. Тэдний ард дөрвөн даваа нэг унаатай ёкозүна Харумафүжи тэргүүтэй зургаан бөх байгаа аж.

Маргааш зургаа дахь өдрийн барилдаанд ёкозүна Хакухо Даваажаргал-м-3 Тоёоношима, ёкозүна Харумафүжи-комүсүби Ёшиказэ, ёкозүна Какүрюү Ананд-м-2 Окиноүми, озэки Котошёогикү-м-1 Ичиножёо Ичинноров, озэки Гоэйдо-м-2 Аойяама, озэки Тэрүнофүжи Ган-Эрдэнэ-м-1 Осунаараши, озэки Кисэносато-сэкиваки Точиозан, сэкиваки-Миёогирюү-комүсүби Точиношин нар тус тус оноолт таарлаа.

Г.Төмөр