Франц улсад 2016 онд болох хөлбөмбөгийн Европын аварга шалгаруулах тэмцээний урьдчилсан тоглолтууд өндөрлөх шатандаа орлоо. Сонгон шалгаруулалтын хэсгийн шатнаас 19 улсын шигшээ эрх авсан. Харин үлдсэн найман баг нь хоорондоо халз тоглож, сүүлийн эрхийг авах байсан.

Энэхүү тоглолтонд Унгарын шигшээ өрсөлдөгч баг Норвегийн багийг 1:0, 2:1-ээр хожиж, “Евро 2016”-г зорих эрхийг авсан бол Украйн-Словак 2:0, Швед-Данийг 2:1-ээр хожиж, Босни-Ирландтай 1:1-ээр тэнцлээ. Үлдсэн гурван багийн хариу тоглолт энэ сарын 16, 17-нд болно.

Хэсгийн шатнаас Англи, Чех, Исланд, Австри, Хойд Ирланд, Португал, Испани, Швейцарь, Итали, Бельги, Уэльс, Румын, Албани, Герман, Польш, ОХУ, Словак, Хорват, Туркийн шигшээ тивийнхээ аваргад оролцох эрхтэй болсон юм.

Г.Төмөр