Монголын боксын тамирчдаас 17 настайдаа дэлхийн аваргын мөнгө, 20 настайдаа Олимпийн мөнгөн медаль хүртсэн гавьяат тамичрин Н.Төгсцогт өдгөө мэргэжлийн рингэнд тулалдаж байгаа. Тэрээр энэ оны гуравдугаар сард анхны тулаанаа хийхдээ өрсөлдөгчөө нэг минут хүрэхгүй хугацаанд хүнд цохилтоор ялж шуугиан тарьсан.

Мөн түүнээс хойшхи хоёр тулаанд өрсөлдөгч бүрээ хугацаанаас нь өмнө ялсан юм. Харин дөрөв дэх тулаанаа өчигдөр хийж хоёрдугаар үед хүнд цохилтоор өрсөлдөгчөө ялсан байна. Ийнхүү Н.Төгсцогт мэргэжлийн рингэнд нэг ч ялагдаагүй цувралаа үргэлжлүүлж чадлаа.

М.Золбаатар