АНУ-ын Висконсин мужийн Милуоки хотод гүйлтийн тэшүүрийн мастеруудын “Дэлхийн цом”-ын тэмцээн болжээ. Тэмцээнд есөн орны 80 гаруй тамирчин өрсөлдсөнөөс манай улсаас олон улсын хэмжээний мастер Н.Эрдэнэтуяа, Б.Сансарбилэг , Ц.Батбаяр нар оролцсон байна. Тэмцээний эмэгтэйчүүдийн 500м, 1000м, 1500м-т уралдсан олон улсын хэмжээний мастер Н.Эрдэнэтуяа, эрэгтэйчүүдийн 500м, 1000м, 1500м-т хурд сорьсон олон улсын хэмжээний мастер Б.Сансарбилэг нар уралдсан зай бүртээ аваргалж, хувийнхаа дээд амжилтыг шинэчлэн тогтоожээ. Н.Сансарбилэгийн хувьд “Нагано 98” өвлийн олимпод оролцож байсан манай гүйлтийн тэшүүрийн шилдэг тамирчдын нэг юм. 

Б.СИЙЛЭН