Умард, Өмнөд Солонгос харилцан анхааруулах гал нээжээ

СӨҮЛ. /TASS/. БНСУ-ын зүгээс анхааруулах гал нээсний хариуд БНАСАУ зэрэг галлагч тийрэлтэт системээр гал нээв гэж Солонгосын төв цахилгаан мэдээний агентлаг /KCNA/ Солонгосын ардын армийн мэдэгдлээс эш татан мэдээллээ. 

 

“Солонгосын ардын армийн Ерөнхий штаб дайсны хөлөг онгоцыг ухруулахын тулд зэрэг галлагч тийрэлтэт системээс 10 удаа галлах тушаал өгсөн" гэж KCNA мэдээлсэн байна. 

Даваа гаргийн өглөө БНАСАУ-ын хөлөг онгоц Шар тэнгист хоёр улсыг заагладаг хилийн шугамыг давсны дараа БНСУ-ын цэргийнхэн хэд хэдэн удаа анхааруулах гал нээсэн гэж “Yonhap” агентлаг урьд нь мэдээлсэн юм. БНСУ-ын Зэвсэгт хүчний Штабуудын дарга нарын нэгдсэн хорооноос мэдээлснээр, энэ үйл явдал Өмнөд Солонгосын Пэннёндо арлаас холгүй болжээ хэмээн Монцамэ агентлаг мэдээллээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)