Монос Фарм Трейд ХХК-аас жил бүр уламжлал болгон зохион байгуулдаг витаминжуулалтын аян эхэллээ. Хаврын улирлыг угтан 5 дахь жилдээ зохион байгуулагдаж буй уг аян нь энэ удаа “Дархлаажсан гэр бүл” уриан дор 3 дугаар сарын 22 – 5 дугаар сарын 22 хүртэл үргэлжлэх юм байна.
Аяны хүрээнд төрөл бүрийн витамин, бэлдмэл 10 хувийн хямдралтай худалдаалагдахаас гадна эм бэлдмэлийн мэдээлэл, танилцуулга, хэрэглэх заавар бүхий лавлагаа гаргаж салбар эмийн сангуудаараа үнэ төлбөргүй тараах аж. Мөн витамин хэрэглэх заавар зөвлөгөөг бүх салбар эмийн сангуудаар үнэгүй өгөх юм.
Тус аян нь энэ жил Дэлхийн Зөн Олон Улсын байгууллагатай хамтран ажиллаж хүмүүнлэгийн үйлс хийж байгаагаараа онцлог болж байна. Аян 4 дүгээр сарын 8-ны өдрөөс эхлэн хөдөө орон нутагт мөн үргэлжлэх аж.