Энэтхэг Улсад элэг шилжүүлэн суулгах мэс засалд орсон сэтгүүлч Б.Эрдэнэцогт урьд шөнө эх орондоо ирлээ. Түүнийг гэр бүлийнхэн болон уран бүтээлийн анд нөхөд нь халуун дотноор угтан авчээ. Тэрбээр элэг шилжүүлэн суулгах мэс засалд ороход санхүү болон сэтгэл санааны дэмжлэг үзүүлсэн Монголын сайхан сэтгэлт иргэд, хэвлэл мэдээллийн байгууллага, аж ахуйн нэгжүүдэд баярлаж талархснаа илэрхийлжээ. Хагалгааных нь шарх бүрэн эдгээгүй байгаа ч биеийн байдал нь сайн байгаа аж. Тиймээс сэтгүүлч Б.Эрдэнэцогт тун удахгүй үзэгчидтэйгээ цэнхэр дэлгэцээр учран золгоно гэдэгт итгэлтэй байна. Түүнийг эмчлүүлэхэд мэргэжил нэгт нөхөд нь санхүүгийн болоод сэтгэл санааны маш том дэмжлэг үзүүлсэн бөгөөд үүнд манай хамт олон ч нэгдсэн юм.