Монгол улсын эм хангамжийн ууган компани болох “Монгол Эмимпекс Концерн” ХХК нь эх орондоо олон улсын стандартад нийцсэн эмийн үйлдвэрийг 2015 оны нэгдүгээр улиралд багтааж ашиглалтанд оруулахаар зорин ажиллаж байна. Уг үйлдвэрийн төсөлд хамтран ажиллахБүгд Найрамдах Солонгос Улсын эмийн тэргүүлэгч компани болох “Дун-А СТ” ХХК-тай 2013 оны 12 сарын 23-нд хамтын ажиллагааны гэрээг Улаанбаатар хотноо амжилттай хийлээ. Уг гэрээнд “Монгол Эмимпекс Концерн” ХХК-ийг төлөөлж гүйцэтгэх захирал Б.Болормаа, хувьцаа эзэмшигчдийн төлөөлөл, “Дун-А СТ” ХХК-ийг төлөөлж  “Дун-А СТ” ХХК-ний ерөнхийлөгч бөгөөд гүйцэтгэх захирал ноён Чан Иль Пакнар гарын үсэг зурав.

Ноён Чан Иль Пак-ийн уг гэрээнд гарын үсэг зурахтай холбоотой Монгол дахь айлчлалын үеэр хатагтай Б. Болормаа ба Ноён Чан Иль Пак нар уг эмийн үйлдвэрийн төслийн явцын талаар ЭМЯ-нд танилцуулж, санал бодлоо солилцсон болно.
Ноён Чан Иль Пак нь айлчлалын хүрээндээМонгол улсын эмийн үйлдэрийн хөгжлийг сайжруулахад хувь нэмрээ оруулах, цаашдын хамтын ажиллагаагаагаа улам өргөжүүлэхийн төлөө ажиллаж, Монголд олон улсын стандартанд нийцсэн үйлдвэр барьж байгаадаа баяртай байгаагаа илэрхийлсэн юм.