Удаан хугацаанд хэл амны бай болж байсан Гэмтлийн эмнэлгийн асуудал нэг тийш болж, Төрийн албаны зөвлөл болон холбогдох ажлын хэсгийнхэн хуралдаж ГССҮТ-ийн захирлаар А.Мөнхтайваныг томилох шийдвэр гаргасан байна. 

Тиймээс Эрүүл мэндийн сайд Н.Удвал тушаал гаргаж ГССҮТ-ийн захирлын үүрэг гүйцэтгэгч Ц.Энхбаярыг үүрэгт ажлаас нь чөлөөлсөн бөгөөд яг одоо А.Мөнхтайван ажлаа хүлээж авахаар ГССҮТ-д очоод байна гэсэн мэдээлэл бий. Харамсалтай нь Ц.Энхбаяр тамга, тэмдэгээ хүлээлгэж өгөхгүйгээр алга болсон гэж тус эмнэлгийн эмч, ажилчид мэдээлжээ. Сүүлийн үед даргын алба өгөх болохоор л тамга тэмдгээ аваад зугтаадаг моод дэлгэрээд байгааг бид бүхэн мэднэ.