Жил бүрийн тав дугаар сарын 12-н “Дэлхийн сувилагчдын өдөр” байдаг. Манай улсын хувьд “Ард түмний талархал хүлээсэн сувилагч” хүндэтгэлийн арга хэмжээг энэ жил хоёр дахь жилдээ зохион байгуулж байна. “Монголын сувилагчдын нийгэмлэг” Монгол орны өнцөг булан бүрт ажиллаж, ажил үйлсээрээ ард түмнийхээ хүндэтгэлийг хүлээн ажиллаж байгаа тэргүүний сувилагч нараа алдаршуулдаг уламжлал тогтож байна.

Тус арга хэмжээнд ЭМЯ, ЭМХТ болон холбогдох албан байгууллагын мэргэжилтнүүд болоод аймаг нийслэл, дүүргийн 300 гаруй сувилагч оролцож. 

Баярын хурлын үеээр Эрүүл мэндийн дэд сайд Ж.Амарсанаа Монголын мянга мянган сувилагчдын төлөөлөл болон хүрэлцэн ирсэн зочдод хандан үг хэлэхдээ “Монгол улсын хэмжээнд 9000 орчим эмч ажилладаг мөн 9000 орчим сувилагч ажиллаж байна. Энэ нь дэлхийн стандарттай харьцуулахад сувилагчид маань ямар их ачаалалтай ажиллаж байгааг харуулж байгаа юм. Бид шинчлэлийн засгийн газрын бодлогын хүрээнд та бүхний ачаалалыг багасгах, цалин урамшуулалыг нэмгдүүлэх тал дээр анхаарал хандуулж байгаа. Эмнэлэг үйл ажиллагаа явуулахад маш чухал үүрэг гүйцэтгэж өвчтөнийг гардан ажилладаг хүн бол сувилагч байдаг. Сувилагч бол эмчийн туслах биш биеэ даасан мэргэжил юм хэмээн онцлоод ард түнийхээ энхийн манаанд үргэлжид зогсож байдаг сувилагч та бүхэндээ ОУ-ын сувилагчдын өдрийн баярын мэнд хүргье” хэмээсэн юм.