Илүүдэл жин хүний эрүүл мэндэд сөрөг нөлөөтэй боловч тодорхой хэмжээний өөхөн давхарга эрүүл мэндэд тустай гэдгийг Вашингтон дахь Анагаахын их сургуулийн эрдэмтэд тогтоожээ. Судлаачид тархины үйл ажиллагаанд чухал нөлөө бүхий NAMPT фермент өөхний эд эсэд бүрэлддэг болохыг өгүүлсэн байна.

NAMPT фермент нь гипоталамус буюу тархин дахь төв мэдрэл болон дотоод шүүрлийн системийг холбодог хэсэгт сайн нөлөө үзүүлдэг аж. Гипоталамус нь хүний биеийн халуун, нойрны мөчлөг, зүрхний хэмнэл, артерийн даралт, өлсөх, цангах мэдрэмжийг удирддаг аж.