Оросын Төрийн тэргүүн Владимир Путин зохиолч М.Лермонтовын бүтээлүүдэд дуртай тухайгаа өнгөрсөн лхагва гаригт оны шилдэг багш нартай уулзахдаа хэлсэн байна. Тэрбээр “Миний ширээний ном бол М.Лермонтовын бүтээл. Түүний зохиол бүтээлийг уншихад урамтай байдаг. М.Лермонтов бол суут яруу найрагч. Тэрбээр тухайн үеийнхээ нийгмийн болж бүтэхгүйг нуулгүй илэрхийлснээрээ тэрс үзэлтэн гэгдэх болсон” хэмээн ярьжээ. В.Путин яруу найрагч М.Лермонтовын зохиолд дуртайгаа 2014 онд болсон хэвлэлийн хурлын үеэр хэлж байжээ. Мөн “Боолчлол, дарангуйлагчдын орон болсон Орос улс баяртай” гэсэн М.Лермонтовын шүлгийн мөрийг сонгуулийнхаа сурталчилгааны үеэр уншиж байсан юм.