Италийн тансаг зэрэглэлийн спорт автомашин үйлдвэрлэгч Ламборжини компани “Lamborghini AventadorS” супер автомашиныг танилцуулаа. Энэхүү автомашин нь 6.5 литрийн багтаамжтай, 740 морины хүч чадал бүхий V12 хөдөлгүүртэй аж. Энэ нь анхны загвараасаа 40 морины хүчээр илүү болсон бөгөөд 0-100 км хурд авахад ердөө 2.9 секунд зарцуулна гэдгийг тус компани онцлов. Уг автомашин нь их хурдтай давхих үед илүү тэнцвэртэй болсноос гадна жолоодлогын хувьд хойд тэнхлэгээ удирддаг болжээ. Супер автомашиныг ирэх оны хавар 421.350 ам.долларын үнээр худалдаанд гаргах юм байна.