Дөрвөн жилийн өмнө Монголчуудыг хэдэн зуунаар зовоож ирсэн ЭЛЭГ –ний В С вирусын хамгийн төгс гэж болох шийдэл дэлхийд нээлтээ хийсний дөнгөж маргааш нь шахуу Монголд 95-98 хувийн хямдарсан өртөгөөр орж ирэх боломж нээгдсэн билээ. Үүнийг хийхэд олон байгууллагууд, олон Монгол элэг зүрхтэнгүүд хамтдаа зүтгэж өнөөдрийн бидэнд элэг –ээ аврах боломжийг нээсэн билээ. Тэр үеийн хувьд бэрхшээл байсан хэдий ч хамгийн өндөр чанартайг хамгийн хямд бишээ дэндүү хямд өртөгөөр авч ирэх боломжийг олж авсан гэхээр бид үнэхээр азтай хүмүүс. 

Гэвч сайны хажуугаар саар гэгчээр .... үнэндээ бид В С вирустай хүн 7 хоногт 1 сая төгрөгийн химийн өндөр хүчин чадалтай эмээр эмчилдэг байсан гэдгийг санах хүн өнөөдөр бас л бага. Урьд ямар байснаа санахгүй улам л хямдруулах гэдэг МОНГОЛ хүний гэмгүй мэт дүр эрүүл мэндийн даатгалаас хөнгөлөлт олгоод байхад л зөрүүг нэм... Өмнө уусан хүн яах билээ? Ядуу хүн үхэх үү? Гэх мэт хорон үгсээр нийгмийн даатгалын санг зовоох нь элбэг. 
Гэсэн ч ЭМ даатгалын сан зөрүүг нь олгож нийгмийн өмнө хүлээсэн үүргээ биелүүлж ЭЛЭГ гэлтгүй Монгол хүний эрүүл мэндийн төлөө ханиадын эмний ч мөнгө өгсөөр л байгааг санаж ядаж нэг удаа баярлалаа гээд хэлчих сэтгэл бас л бага ... Талархал бага мэдэх бидний хувьд өөрөө асуудал бий болгочихоод бусад руу чихэх нь хир зөв билээ дээ ?  Тэр тусмаа дэлхийн тэргүүлэгч ХАРВОНИ эмийг өөрийн санаачлагаар олж ирэхэд л Манай аймагт тараасангүй гээд л хүний авч ирсэн шийдлийг хуваах гэдэг нь ямар сонголт вэ? Ёстой бүү мэд. Оронд нь яаж авч ирэв? Нэмээд өөр аймгууд нийлье гэхгүй атлаа – Манай аймаг гээд л ХОТ – с аймгаа санасан ШОУЧИН их билээ. 

Гэхдээ муугаас илүү сайн нь дийлэх тул дэлхийн тэргүүлэгч оригналь эм, эмийн бүтээгдэхүүнүүд шинэчлэгдэн сайн хүмүүсийн буянаар Монгол хүний эрүүл энхийн манаанд тус нэмэр болсоор л байна. Элэгний шинжилгээний төвүүд бий болж шинжилгээний тоног төхөөрөмжүүд орж ирж хотын баруун захаас авахуулаад бий болсоор л байна. Хамгийн чухал нь элэгний судалгааны шинжилгээний хувийн болон улсын төвүүд улам бүр  нэгдэн нягтарч, хамтран ажиллаж шинжилгээний дүнгээ нийлүүлэн мэдлэг солилцон хөгжсөөр байгаа нь хамгийн чухал бөгөөд элэг судлалын эрдэмтэн багш нарын мэдлэг ч ОУ –н түвшинд өрсөлдөхүйц нэмэгдэж байгаа нь таатай байна. 

Нэг үе шүүмжлүүлээд байсан жор бичигч эмч нар ч суралцаж, ОУ хурал зөвлөгөөнд мэдлэгээ нэмж нэг үе эмч нар эмийн урамшуулалд татагдах үзэгдэл гаарч байсан ч одоо эсрэгээрээ жинхэнэ буурч жинхэнэ ёс зүйгээ баримтлаж байна. Тэр дунд элэгний эмч нарын ёс зүй илт өсөж тэргүүлэгч сонголтуудаас авхуулаад хямд женерик сонголтууд хүртэл бүхий л мэдээлэлийг өгч зөвлөж байгаа нь элэгний өвчлөлийн эсрэг тун таатай тэмцэл болж байна. 

Юутай ч энэ мэт сайхан мэдээ улам нэмэгдэж олон ЭЛЭГ эрүүл болж МОНГОЛ ЭЛЭГ – НИЙ БАЯРЫН 5 ЖИЛ ОЙН МЭНДИЙГ ХҮРГЭЖ БАЙНА. 

Б.Саруул

www.unen.mn