Орон нутгийн замд хамгийн их аваар осол, хэрэг зөрчил гардаг. Тэгвэл хот хоорондын замд гарч буй осол аваар, гэмт хэрэг, зөрчлөөс урьдчилан сэргийлэх, иргэдийн аюулгүй зорчих нөхцөлийг бүрдүүлэх зорилгоор улсын чанартай замуудыг байнгын хяналттай болгожээ.

Тодруулбал,есдүгээр сарын 11-ний өдрөөс эхлэн улсын чанартай авто замуудад байрлах 13, орон нутгийн 19 постыг 24 цагийн байнгын ажиллагаатай болгож, үйл ажиллагааг нь эрчимжүүлж эхэлсэн гэж Цагдаагийн ерөнхий газраас мэдээлж байна.

Хяналтын постуудын үйл ажиллагааг ЦЕГ-ын Шуурхай удирдлагын төвд цахим сүлжээгээр хянаж, мэдээллийг шуурхай дамжуулж мэргэжлийн удирдлагаар ханган ажиллах гэнэ.