Мэргэжлийн хяналтын ерөнхий газраас цэвэр усны үйлдвэрүүдэд шалгалт хийжээ. Шалгалтаар цэвэр ус үйлдвэрлэгчдийн 44.3 хувь нь түрээсийн буюу өөрчлөн засварласан зориулалтын бус хэсгийн усан хангамжтай байранд үйл ажиллагаагаа явуулж буйг тогтоосон байна. Ариутгалын системийн хувьд нийт үйлдвэрийн 68.5 хувь нь автомат ажиллагаатай машин ашигладаг, 31.4 хувь нь бор давс, сод зэрэг бодисоор цэвэрлэж савыг дахин хэрэглэдэг байна. Аж ахуйн нэгжүүдийн савласан цэвэр усны 58, худгийн усны 29 сорьцоос дээж авч шинжилгээ хийснээс 43 хувь нь нянгийн бохирдолтой гарчээ. Нийслэлийн хэмжээнд одоогоор цэвэр усны 90 орчим үйлдвэр үйл ажиллагаа явуулж буй. Тэдгээрээс 55.7 хувь нь баталсан зураг төслийн дагуу барьсан барилгад, төвлөрсөн усан хангамжийн системд холбосон нөхцөлд ажилладаг ажээ.

Б.Саруул