Өнгөрөгч долоо хоногт Инчоны нисэх онгоцны буудлаас Сөүл хот руу нэвтрэх гэсэн монгол иргэнийг саатуулж, нутаг буцаажээ. Учир нь иргэн А /29 настай/ 2016 онд тус улсад амьдарч байх хугацаандаа Пусан хот дахь нэгэн их дэлгүүрээс хулгай хийн саатуулагдсан аж. Тэрбээр тухайн үед 800 мянган вон /1,6 сая төгрөг/ -оор үнэлэгдэх хувцас хулгайлж нутаг буцжээ.

Харин энэхүү хэрэг хил нэвтрэх үеэр дахин сөхөгдөж, нутаг буцахаас аргагүй болгожээ. Энэхүү мэдээллийг БНСУ-ын хэвлэл, мэдээллийн байгуулага мэдээлжээ.

Тус улсын зүгээс энэ мэтчилэн хуучны хэргүүдийг сөхөж, хил нэвтрүүлэхгүй байхад анхаарал хандуулж эхэлжээ. 

Б.Цэнгэл