Хан-Уул дүүргийн Жижиг Дунд Үйлдвэрлэлийг Дэмжих Төв нь өөрийн албан хаагчдыг чадавхжуулж, тэднийг мэдлэг мэдээллээр хангах зорилгоор дотооддоо мэргэжлийн байгууллагуудтай хамтран сургалт арга зүйн зөвлөгөөг тогтмол зохион байгуулдаг.

Энэ удаад нийт албан хаагчдад зориулан дүүргийн Насан Туршийн Боловсролын Төвтэй хамтран “Зөрчлийн тухай хууль” сэдвийн хүрээнд сургалт зохион байгууллаа.

Сургалтын гол агуулга нь захиргааны хэм хэмжээний актыг зөрчсөн үйлдэл, эс үйлдэхүйг зөрчилд тооцох, хүн хуулийн этгээдэд ногдуулах шийтгэлийн хэмжээ, зөрчлийн тухай хуулийн зорилго, хамрах хүрээ, агуулга болон бусад хуулийн уялдаа холбоо зэрэгт чиглэсэн байсан нь хэрэгцээт мэдээлэл болж чадсан юм.