Манай улсад зохион байгуулсан АСЕМ-ийн чуулга уулзалтын хөрөнгө, санхүүгийн зардалд Үндэсний аудитын газраас хийсэн шалгалтын дүнг Монгол Улсын Ерөнхий аудиторын орлогч С.Оюунбилэг өнгөрсөн долоо хоногт танилцуулсан. Түүний мэдээлснээр, багагүй хэмжээний хөрөнгийн санхүүжилттэй холбоотой цөөнгүй зөрчил илэрсэн байна. Тодруулбал, бэлэг дурсгалын төсвийг хэтрүүлж 981.4 сая төгрөгийг зарцуулсан нь зочин бүрт 6.7 сая төгрөг ногдож байна гэсэн үг юм.

Мөн АСЕМ-ийн үйл ажиллагаанд зориулан БНХАУ, БНСУ-ын Койка байгууллагаас 20.4 тэрбум төгрөгийн тусламж олгосон ч хүлээж авсан эзэн нь тодорхойгүйн дээр баримт мэдээлэл олдохгүй байгаа аж. Энэ мэт олон асуудал байгаагаас 79.2 тэрбум төгрөгийн зарцуулалттай холбогдуулан 17 албан тушаалтанд хариуцлага тооцуулахаар хуулийн байгууллагад шилжүүлсэн байна.

Д.МӨНХ