Өнгөрсөн амралтын өдөр нийслэлийн ойролцоох ногоон бүсэд ууланд алхалт хийж явсан иргэн хаднаас унаж амиа алдсан харамсалтай хэрэг гарсан байна. Тодруулбал, Нийслэлийн Онцгой байлдлын газар нийслэлийн Хан-Уул дүүргийн 11 дүгээр хороо, “Чингисийн өргөө” амралтын газраас урд зүгт 200 метр “Богд Хан” ууланд алхалт хийж явсан нийслэлийн Баянзүрх дүүргийн харъяат иргэн 61 настай, эрэгтэй Д хадан дээрээс унаж бэртсэн тухай дуудлагыг өнгөрсөн ням гаригт 11:56 цагт хүлээн авчээ. Дуудлагын дагуу Нийслэлийн Аврах ангийн 8 алба хаагч, 2 автомашинтай 7.5 км замыг туулан 12:10 цагт очиж, цогцсыг буулгаж,  Цагдаагийн байгууллагад шилжүүлэн өгсөн байна.