Мэргэжлийн сумогийн Аки башёгийн гурав дахь өдрөөс ёкозүна Хакухо М.Даваажаргал гэмтлийн улмаас барилдахааргүй болжээ. Хакухогийн багш Миягино оякатагийн өгүүлсэнээр бол Аки башёгоос долоон хоногийн өмнө ёкозүна зүүн хөлөндөө гэмтэл авсан ч гэсэн барилдахыг хүссэн юм байна.

Мөн Аки башёгийн өмнө Миягино дэвжээ байраа сольсон тул Хакухо бэлтгэл дэвжээндээ хийх боломжгүй болж, өөр дэвжээнүүдэд очиж бэлтгэл хийсэн байна.

Аки башёгийн эхний хоёр өдөр Хакухо гэмтэлтэй байсан тул комүсүби Окиноуми, Ёшиказе нарт дараалан ялагдсан. Ийнхүү энэ башёд ёкозүна Харумафүжи Д.Бямбадорж гэмтлийн улмаас барилдаагүй бол ёкозүна Хакухо тэмцээнийг мөн орхиж, ёкозүна Какурюү М.Ананд сумочдоо тэргүүлэн барилдахаар боллоо.