Пакистаны баруун хойд хэсэгт орших нэгэн шорон руу Талибан бүлэглэлийн зэвсэглэсэн дайчид халдсаны дараа шоронд байсан 400 хоригдол оргосон хэрэг өчигдөр гарчээ. 150 орчим дайчид Банну хотод орших тус шорон руу дайрсан бөгөөд пулёметоор галлаж, бөмбөг шидэж, цагдаа нартай тэрсэлдсэн байна. Тэдний хоорондүүссэн мөргөлдөөн хоёр цагийн туршид үргэлжилсэн хэмээн цагдаа нар хэллээ.
Пакистанд хамгийн томд тооцогддог цэргийн дэглэмт Талибан бүлэглэлийн хэвлэлийн төлөөлөгч өөрийн гишүүдээ суллахаар шорон руу дайрсан гэдгээ баталсан байна.
Пакистаны Засгийн Газрын хэлж байгаагаар Ерөнхийлөгч Первез Мушарафын аминд хүрэхийг завдан буруутгагдаж, цаазаар авах ял сонсоод байсан Исламын хэт даврагч этгээд зэрэг хориод онц хэрцгий алан хядагчид тэдний дунд байсан ажээ.
Улсын зүгээс Пакистаны Талибан бүлэглэлийн эсрэг кампанит ажлыг өрнүүлснээс хойш цагдаа, цэргийнхний эсрэг халдлага дайралтууд ийнхүү олноор үйлдэгдэх болоод байгаа гэнэ.