Хойд Солонгосын эрх баригчид Олон улсын цөмийн эрчим хүчний агентлаг (МАГАТЭ)-ийн шинжээчдийг урихаа амлаж байсан билээ. Өөрөөр хэлбэл тэднийг эх орондоо нэвтрэхийг зөвшөөрсөн юм. Үүний дагуу МАГАТЭ тус улсад төлөөлөгчдөө илгээхэд Пхеньяний эрх баригчид нэвтрүүлэхээс татгалзав. Хойд Солонгосыг “Унха-3” /Тэнгэрийн заадас-3/ пуужин туршсантай холбогдуулан олон улс хүнсний тусламж үзүүлэх амлалтаасаа буцаж, хориг арга хэмжээ оногдуулахаар болсон юм. Үүний дараа тус улс шинжээчдийн багийг нэвтрүүлэхээс татгалзсан хариу барив. Төлөвлөгөө ёсоор МАГАТЭ-ийн шинжээчид энэ сарын 16 буюу өнгөрөгч даваа гаригт тус улсад зочилжээ. Гэсэн ч тэд хил дээрээс буцахаас өөр аргагүй болсон байна. Шинжээчдийн багт АНУ, Өмнөд Солонгосын иргэд багтсан бөгөөд Хойд Солонгос өнгөрөгч гуравдугаар сард тэднийг урьсан байна.