ЭМЯ-ны ээлжит мэдээллийн үеэр ХӨСҮТ-ийн захирал Д.Нямхүү мэдээлэл өглөө. Тэрээр “Зургаадугаар сарын 15-нд нийт 241 хүнд шинжилгээ хийхэд коронавирус илрээгүй.

Үүнийг задалж хэлбэл, тандалтын зорилгоор 3 хүн, ХӨСҮТ-д тусгаарлагдсан 4 хүний шинжилгээ, Алтанбулагийн боомтоор орж ирсэн ачаа тээврийн 22 жолооч, Сэлэнгэд тусгаарлагдсан 2 хүний давтан шинжилгээнд коронавирус илрээгүй.

Өнөөдөр нэг хүн эдгэрч, ХӨСҮТ-ийн эмчилгээнээс дараагийн сувилал руу шилжлээ. Эдгэрсэн иргэн Батлан хамгаалах сургуулийн оюутан, 19 настай, 32 хоногт эмчлэгдэж гарлаа.

Монгол Улсад онош батлагдсан 197 тохиолдол байгаагаас 109 тохиолдол нь эдгэрсэн. ХӨСҮТ-д одоогоор  88 хүн эмчилгээ, хяналтад байна. Тэдний биеийн байдлыыг үнэлбэл 80 нь хөнгөн, 8 нь хүндэвтэр байна. Коронавирусийн халдвар авсан нэг хүүхэд, 3 жирэмсэн эх эмчлэгдэж байна” гэв.