Лондонгийн олимп эхлэхэд 100 хоног үлдлээ. Манай улсын баг, тамирчид одоогоор Лондонгийн олимпийн 27 эрх аваад байгаа юм. Манай биеийн тамир, спортын байгууллагын тавьсан зорилт бол 30 эрх авах аж. Тиймээс үлдэж буй тэмцээнүүдээ тооцвол энэ зорилт биелэх төлөв харагдаж байгааг багш, дасгалжуулагчид нь хэлж байна. Усан спортын төрлөөр эрэгтэй, эмэгтэй хоёр тамирчин олимпод урилгаар буюу цагаан хуудсаар оролцохоор болжээ. Тэд Улаан-Үд хотноо 50 метрийн бассейнд анх удаа бэлтгэл хийхээр удахгүй аян замдаа гарах бололтой.