Өнгөрсөн лхагва гаригт АНУ-ын хэд хэдэн хотод  оюутнууд жагсч, сургалтын зээлийн хэмжээг нэмэхгүй байхыг шаард­­жээ. Амери­кийн эдийн засагчдын үзэж буй­гаар зээлээр бо­ловсрол олгох өрийн хэмжээ нэг триллион даваад байгаа аж.

Хамгийн олон хүн ха­мар­сан жагсаал Нью-Йорк хотын Манхэттен дүүрэг дэх Юнион­-скуэр талбайд бол­жээ. Оюутнууд болон их сур­гуулиа дүүргэсэн иргэд хэдэн зуу­гаараа жагсаалд оролц­сон байна. Оюутнууд Засгийн газ­раа­саа дээд боловс­рол эзэм­шихэд өрөнд оруулахгүй байх боломж олгохыг шаар­даж байгаа юм. Жагсаалд орол­цогсдын дийлэнх нь зээлийн баримтаа барьсан байжээ. Зарим нь олны өмнө түүний­гээ шатааж байсан гэнэ. 31 настай шүдний эмч Хади Нассар ярихдаа найман жил суралцсаны дараа сур­галтын зээлийн өр 186 мянган ам.дол­лар болжээ.

Тиймээс залуу буяны эмнэлэгт ажиллаж, хүмүүст тус хүргэх мөрөөдлөөсөө татгал­за­х болсон гэнэ. Учир нь хүссэн газраа ажил­лах гэтэл цалин бага тул өрөө төлөх боломжгүйгээс мөрөөд­лөө­сөө татгалзаж байгаагаа хуваалцсан гэнэ.

www.undesten.mn

С.Саранзаяа