БНХАУ өчигдөр орон нут­гийн цагаар 04.50 цагт "Бэй­доу" буюу "Луужин" хэмээх хоёр хиймэл дагуулыг нэг пуужингаар хөөргөжээ. Сы­чуань мужийн санс­рын хөл­гөөр нэгэн зэрэг хөөргөх Си­чан төвөөс "Чаньжэнь-3В" пуу­жин­гаар хөөр­гөсөн нь ам­жилт­тай болов. "Синьхуа" агентлагийн онцолсноор Хя­та­д улс түүхэндээ анх удаа ийм туршилт явуулж байна. Бие­тийн байршлыг тодор­хой­лох, цаг хугацаа, Хятад дахь сүл­жээ зэргийг тодор­хойлох зо­рилготой уг хиймэл дагуу­лыг 2000 онд анх хөөргөснөөс хойш энэ нь 160 дахь удаа­гийнх болж байна. Бүх дэлхийг хамарсан Аме­­рикийн GPS-тэй адил өөрийн гэх тодотголтой "Бэй­доу" сүлжээний цар хүрээг өргөжүүлэх зорилгыг Хята­дын эрх баригчид тавиад байгаа аж. Мөн мэргэжилт­нүүд ийм төрлийн 30 хиймэл дагуулыг 2020 он гэхэд хөөр­гөсөн байхаар төлөвлөжээ. Өнгөрсөн оны сүүлээр "Бэйдоу"-гийн анхны туршилт амжилттай болсноос хойш Хятадын эрх баригчид сүл­жээгээ өргөтгөхөөр ийн шар­гуу ажиллаж байна. Тодруул­бал, энэ оны сүүл гэхэд дээрх төрлийн гурван ч хиймэл дагуулыг хөөргөх аж.